Axel Bóasson hélt í dag styrktarmót á Hvaleyrarvelli og var spilað með Texas Scramble fyrirkomulagi með forgjöf. Einnig var í boði að taka þátt í púttleik og virkaði leikurinn þannig að þeir sem luku við létta púttþraut fyrir neðan golfskála Keilis áttu möguleika á að vinna 100 þúsund króna gjafabréf hjá golfdeild Heimsferða. 2 heppnir aðilar vinna gjafabréfið en það kostaði ekki nema 500 krónur að vera með í leiknum. Axel vill þakka öllum þeim sem styrktu hann í dag kærlega fyrir og var kappinn nánast orðlaus í verðlaunaafhendingunni eftir daginn sem tókst frábærlega. Núna í nótt fer Axel til Danmerkur að keppa á Ecco tour og verður hægt að fylgjast með honum á Facebook síðu hans. Axel vill þakka öllum þeim fyrirtækjum og einstaklingum sem styrktu hann og gerðu þennan dag mögulegan. Vinningshafar geta haft samband við Bóas í síma 856-1230 til að nálgast verðlaun. Hér má svo sjá öll úrslit mótsins  Smellið hér til að sjá úrslit