Gísli Sveinbergsson úr Keili og Fannar Þór Steingrímsson úr Golfklúbbi Hveragerðis eru meðal keppenda á US Kids European Championship mótinu sem haldið er í Skotlandi. Óhætt er að segja að Gísli og Fannar séu að standa sig vel í mótinu því þeir eru í toppbaráttunni og eru að berjast um sigurinn.

Gísli leikur í flokki 15-18 ára og er jafn í efsta sæti á samtals þremur höggum undir pari. Gísli hefur leikið hringina í mótinu á 74 og 73 höggum. Leikið er á Luffness vellinum.

Fannar leikur í flokki drengja 14 ára og er í öðru sæti fyrir lokahringinn. Fannar lék frábærlega á öðrum hring. Hann lék á 67 höggum eða fimm höggum undir pari. Samtals er Fannar á tveimur höggum undir pari í öðru sæti, aðeins höggi á eftir efsta kylfingi.

Lokahringurinn fer fram á morgun og verður spennandi að sjá hvort að þeir félagar nái að tryggja sér sigur.

Heimild:
kylfingur.is