Barna og ungmennastarf 2017-10-18T11:19:56+00:00

Barna og ungmennastarf Keilis

Golfklúbburinn Keilir er fyrirmyndarfélag og uppfyllir þær gæðakröfur ÍSÍ um barna- og ungmennastarf.

Þjálfarar Keilis eru menntaðir PGA golfþjálfarar og hafa mikla og góða reynslu af því að vinna með börnum og ungmennum.

Fjölbreytileiki skal vera sem mestur, áhersla er lögð á félagsstarf og þjálfun skal vera skipulögð og markviss til að geta skapað börnum og unglingum færi á því að vera kylfingar alla ævi. Það er gaman að vera kylfingur og leika golf.

Hægt er að æfa golf í ellefu mánuði á ári. Starfið skiptist í sumar- og vetrarstarf. Vetrarstarf hefst í byrjun nóvember og er til loka maí, en sumarstarf hefst um leið og skóla lýkur og er til loka september.

Í október eru engar æfingar í gangi.

Æfingar fara fram í Hraunkoti sem er æfingasvæði golfklúbbsins eða á Sveinskotsvelli sem er níu holu golfvöllur.

Hægt er að hafa samband við íþróttastjóra GK fyrir nánari upplýsingar um starfið.

Veturinn 2017/18

  • Vetrartímabil 1 hefst 1. nóvember og er til 14. desember 2017
  • Jólaleyfi er frá 18. des. til 7. janúar 2018
  • Vetrartímabil 2 hefst 8. janúar og er til 21. mars 2018
  • Páskaleyfi er frá 23. mars til 9. apríl
  • Æfingaferð Keilis 8.-18. apríl*
  • Vortímabil hefst 23. apríl og er til 10. júní
  • Sumartímabil hefst 11. júní til 17. ágúst

Æfingar hefjast aftur í nóvember 2018

Kynningarfundur um barna- og ungmennastarfið fyrir foreldra/forráðamenn verður mánudaginn 6. nóvember kl. 19:00 á 2. hæð í Hraunkoti.

Ný æfingatafla fyrir veturinn 2017-2018 verður kynnt á næstu dögum.

*Æfingaferð Keilis 2018
er fyrirhuguð 9.-18. apríl 2018 til Novo Sanctri Petri á Spáni.
Allir þeir kylfingar sem hafa leikið á Eimskipsmótaröðinni, Íslandsbankamótaröðinni eða á Áskorendamótaröðinni keppnistímabilið 2017 geta farið í ferðina.

Golfleikjaskóli Keilis

Keilir og US Kids golf starfrækja golfleikjaskóla sumarið 2017. Skólinn er fyrir allar stelpur og stráka á aldrinum 5-8 ára og 9-12 ára. Nánari upplýsingar fást með því að smella á hnappinn hér fyrir neðan.

Golfleikjaskóli Keilis

Hægt er að hafa samband við Karl Ómar Karlsson, íþróttastjóra Keilis, fyrir nánari upplýsingar um starfið.