Eins og flestum félagsmönnum er kunnugt verða talsverðar nýjungar hjá okkur í sumar. Komið er að leiðarlokum 11 ára endurbyggingarferli á Hvaleyrarvelli og opna tvær nýjar holur í vor. Mun þá holuröðin breytast og munum við hefja leik á 10. holu (núverandi 13.) og leika 11.(14.), 12.(15.), 13.(16.), 14.(17.), 15.(18.) og klára á þremur nýjum holum byggðar á gömlum grunni, 10. og 11. hola sameinaðar í eina par 5 holu 16. , glæný par 3 hola út á tangann á Hvaleyrinni 17. og svo lengdri 18.(12.) í átt að golfskálanum aftur.
Unnið er að því að setja völlinn upp í GLFR appinu og er stutt í að sú vinna klárist. Þá geta allir skoðað nýju holurnar eins og þær verða og fengið smá tilfinningu fyrir þeim. Því er tilvalið að rifja upp GLFR appið og fylgjast með þegar völlurinn verður kominn inn.
Búið er að reikna bráðabirgðamat fyrir Hvaleyrarvöll og geta því allir skoðað sína áætluðu vallarforgjöf. Völlurinn verður síðan allur endurmetinn í sumar
Lesið inn/smellið á QR kóðann til að skoða áætlaða vallarforgjöf
